話說我今日又發夢, 咁我就夢見一個𡃁仔。佢細細粒粒咁又瘦, 身上只有簡陋裝備。佢同我講佢14歲
咁臨走時有緣撞返佢就同班朋友誠邀佢一齊食飯, 初時都有介心, 但喺我哋誠意拳拳下佢都妥協了, 記得佢經過間麥當勞仲提議入去食：「又平又抵食吖！」
喺餐飯入面佢真係同一個14歲嘅小朋友無異！聲大大又多口咁講咗好多我哋當佢童言無忌嘅戲言。
但一有新聞直播嗰陣佢又有自己嘅見解, 比好多所謂嘅大人都清楚宜家現實發生緊咩事。邊日發生過咩大事都記得清楚過我哋。
到最後送佢上的士走咗。
我喺度諗自己14歲嗰陣係做緊乜？無錯！14歲嗰時我只係諗起自己啱啱識打飛機。但今時今日嘅呢一代唔好話打飛機啦, 係成個暑假拎出泥同你食過期生化催淚彈吖！佢嘅應有嘅童真無哂, 香港每一日發生一件又一件荒謬絕倫嘅事令佢哋身理/心理都係不規則地快速成長！
原來拔苗助長未必唔係一件好事！
但我哋呢d所謂嘅哥哥姐姐, 甚至做咗人爸爸媽媽嘅係有責任去灌輸正確嘅道德審判俾佢哋, 政權越唔想俾人知嘅‘真相’我哋就越要佢宣揚開去！
香港人！唔好放棄！唔好灰心！唔好絕望！當為咗班細路仔好無？
我相信否極係會泰來呢句說話！我哋同班仆街要鬥長命, 要睇住所有罪有應得嘅人一個個咁被清算！
夢醒。煲底見
p.s 小朋友都比班狼心狗肺來得懂事/有人性。
Search